Апаста янгын очраклары ешайган: сак булыйк!

(10 апрель, “Апастово-информ”).

Вакыйга урынына баргач, биредә гараж януы ачыклана. Корылма эчендә машина булуын да әйтәләр.

“Гаражга газ, электр кермәгән, җылытылмый. Хуҗа кеше төтен исе килүен сизеп ала. Авыл җирлеге башлыгы, авылдашлары ярдәмгә килә. Янгын сүндерүчеләр килгәч янгын сүндерелә. Бәхетсезлек очрагы чыгуның сәбәбе – транспорт чарасының механизмнар системасының төзексезлеге булырга мөмкин. Әлегә тикшерү эшләре дәвам итә”, - ди янгын күзәтчелеге бүлеге тикшерүчесе Илшат Шәфигуллин.

Янгын күзәтчелеге бүлеге хезмәткәрләре сак һәм игътибарлы булырга чакыра. Яз көне йорт тирәләрендә учаклар якмагыз, электр җиһазларының төзеклеген күз уңында тотыгыз.