Апаста яшәүче Ринат абый Сәлахов 60 яшьлек юбилее һәм Ватан сакчылары көне уңаеннан котлаулар кабул итте

(20 февраль, “Апастово-информ”).

“Уллары читтә яшәүче гаиләләргә терәк булырга, хөрмәт күрсәтергә тырышабыз. Бу – район башлыгы таләбе. Сәлаховлар гаиләсендә булып, Ринат абыйга котлаулар ирештердек”, - ди Апас шәһәр тибындагы башкарма комитеты җитәкчесе Луиза Сафина.
Ринат абый озак еллар “ПМК-14” оешмасында тракторчы, авыл хуҗалыгы берләшмәсендә комбайнчы булып эшли. Гаиләдә 2 ир бала үсә. Бер уллары бүген тынычлык сагында – хәрби хезмәттә.