Апаста яшьләр террорчылыкка каршы

(6 сентябрь, “Апастово-информ”).

"Алга" яшүсмерләр клубында район үзәк китапханәсе белән берлектә "Без - террорчылыкка каршы!" чарасы оештырылды. Биредә аграр көллиятенең 1 курс студентлары катнашты. Яшьләр белән район башлыгының коррупциягә каршы мәсьәләләр буенча ярдәмчесе Булат Гатиятуллин, район прокуроры ярдәмчесе Лилия Гыйззәтуллина, район мөхтәсибе Мирхәт хәзрәт Җамалиев аралашты. Әңгәмә барышында бик күп файдалы мәгълүматлар яңгырады. Студентлар үзләрен кызыксындырган сорауларны бирде һәм җаваплар алды.