Апаста халык җыеннары дәвам итә

(19 нчы август, Гүзәл Хилавиева, “Апастово-информ”)

Очрашуларда район башлыгы Равил Хисаметдинов, урынбасарлар, һәрбер өлкә җитәкчесе, район эчке эшләр бүлеге хезмәткәрләре катнашты.

Авыл җирлеге башлыклары җирлекнең эшчәнлеге, салым, узара салым буенча чыгыш ясадылар.
Эчке эшләр хезмәткәрләре исә мошенниклардан сак булырга, балаларны кичке якта үзләрен генә чыгармаска, һәрвакыт күз уңында тотарга өндәделәр. Әйбер сатып йөрүчеләрне, яисә авылда ят кешеләр күренсә участок инспекторларына мөрәҗәгать итүләрен сорадылар.

Район ветеринария идарәсе җитәкчесе Алмаз Гыйбадуллин лейкозлы сыерларны сәламәт сыерга алыштыру турында чыгыш ясады.

Район башлыгы районда барган күләмле эшләргә тукталды. Халыктан җиткерелгән сораулар һәм мөрәҗәгатьләргә җавап бирде. Һәр мөрәҗәгать язып алынды.