Апаста көмеш волонтерлар игелек эшләүне дәвам итә

(2 май, “Апастово-информ”).

Алар хәрби операциядә катнашучыларга - контрактчыларга, мобилизацияләнгәннәргә, үз теләкләре белән хезмәткә киткәннәргә һәм аларның гаиләләренә зур ярдәм күрсәтәләр.

“Тормышны бәялибез” волонтерлык хәрәкәтенең Апас бүлекчәсе көмеш волонтерлары маскировка челтәрләре үрү, эчке киемнәр, урын җирләр тегү белән беррәттән, эш төрен киңәйтә баралар, яңалыклардан читтә калмыйлар. Соңгы көннәрдә солдатларга бик кирәк булган коры душлар әзерли башладылар.

Аларның сафлары да тулылана бара. Яңа көчләр килә, һәркем иминлек өчен үз өлешен кертергә тырыша.