Апаста көзге чакырылыш дәвам итә

 
(15 декабрь, “Апастово-информ”). 
 
Бу көннәрдә ике егетебезне армия сафларына озаттык. 
 
Егетләргә район җитәкчелеге тарафыннан да хөрмәт күрсәтелде. Районның яшьләр эшләре һәм спорт бүлеге җитәкчесе Ленар Мотыйгуллин уңышлар теләп, район башлыгы исеменнән истәлекле бүләкләр тапшырды. Районның хәрби комиссары Наил Җантимеров киңәшләрен бирде. 
 
“Исән-сау кайтыгыз егетләр. Без сезне көтәбез. Элемтәгә чыгыгыз”, - диде Ленар Мотыйгуллин.