Апаста крестьян-фермер хуҗалыгы алып баручылар белән очрашу булды

(17 июнь, “Апастово-информ“).

Очрашуда кыенлыклар кичергән чорда ташламалы кредитлар алу буенча мәгълүматлар җиткерелде. Дәүләт программаларында катнашу мөмкинлекләре кабат әйтелде. Кызыксындырган сорауларга җаваплар да яңгырады.

Татарстанда пандемиядән иң зур зыян күргән тармакларда эшләүчеләр өчен федераль ярдәм чаралары карала. Шуларның берсе - процентсыз кредитлар. Район буенча 158 шәхси эшмәкәр икътисад өлкәсендә зыян күрүчеләр исемлегенә кергән. Алар ике төрле формадагы кредит алуда катнаша ала. Бу хакта район башкарма комитеты җитәкчесенең территориаль үсеш буенча урынбасары Шамил Гаффаров белдерде.