Апаста Ленинград камалышы шаһитлары күчтәнәчләр алды

(3 октябрь, “Апастово-информ”).

1 октябрь - Халыкара өлкәннәр көне. Әлеге уңайдан районда өлкәннәр ункөнлеге уза. Бу көннәрдә өлкәннәргә аеруча да зур хөрмәт күрсәтелә.

Ленинград блокадасының тере шаһитлары булган райондашларыбыз Тутай авылыннан Галия апа Гыйззәтуллина һәм Дүртиле авылыннан Сария апа Сафинага район башлыгы исеменнән күчтәнәчләр тапшырылды. Район башкарма комитеты җитәкчесе урынбасары Гөлүсә Галләмова авыл җирлеге башлыклары белән берлектә хәлләрен белеп, көнкүрешләре белән танышты.
"Үткәннәр онытылмый. Бүгенгебездән без канәгать. Күчтәнәчләрне дә гел китереп торалар", - диләр өлкәннәр.

#яшәавылымминем