Апаста һәм Сатмышта машиналарны “кыйнаганнар”

-Соңгы ун көндә район хокук сакчыларына Сатмышта һәм Апаста урамдагы ике җиңел автомашинага зыян салыну турында хәбәрләр керде. Аларның тәрәзәләрен, фараларын ватканнар. Кузовка да шактый җитди зыян салынган. Безнең хезмәткәрләр ике очракта да оператив эшләде. Гаеплеләр кайнар эздән тоткарланды һәм кылынган җинаятьләр бер тәүлек дигәндә ачылды. Хәзер тикшерү эшләре бара. Шикләнелүчеләрнең берсе Казан шәһәреннән булуын ачыкладык,-дип хәбәр итә район полиция хезмәте җитәкчесе Раил Гатауллин.
Ришат Җамалиев.