Апаста мал табибларына хөрмәт күрсәтелә

(20 август, “Апастово-информ“).

Район ветеринария идарәсе җитәкчесе Алмаз Гыйбадуллин һөнәри бәйрәмнәре уңаеннан, коллективта эшләп лаеклы ялга чыккан өлкән хезмәттәшләре белән очрашты. Аларның хәлләрен сорашып, күчтәнәчләр дә бирде. Өлкәннәр хезмәт елларын искә алды. Үзләренә булган хөрмәттән күңелләре булып, рәхмәтләрен әйтеп калды.
“Гомерем буе терлек арасында булдым. Вакыт белән исәпләшмичә хезмәт иттем. Бүген хезмәтемнең нәтиҗәсен татыйм. Җитәкче Алмаз Гыйбадуллин өйгә үзе килеп, зур игътибар күрсәтте. Бик күңелебез булып калды“, – ди Апастан Таһир абый Шәйхетдинов.