Апаста өйләргә барып та сайлаттылар

 (11 сентябрь, “Апастово-информ”).  
Районда аерым сайлау округларында җирле үзидарә вәкиллекле органнары депутатларын өстәмә сайлаулар дәвам итә. 
Районның үзәк сайлау комиссиясе рәисе Гөлнара Җәләлетдинова белдерүенчә, районда 15.00 сәгатькә сайлауларда тавыш бирүчеләрнең активлыгы 72 процент тәшкил иткән. 
“Сайлау участоклары 20.00 сәгатькә кадәр эшлиячәк. Участокларда барлык саклык чаралары да төгәл үтәлә. Райондашлар сайлауларда теләп катнаша. Авыру сәбәпле, сайлау участогына килә алмаучылар өчен өйләренә барып сайлату да оештырылды”, - дип белдерде районның үзәк сайлау комиссиясе рәисе Гөлнара Җәләлетдинова.