Апаста өлкән буын хөрмәтләнә

(25 декабрь, “Апастово-информ”).

  Яңа ел бәйрәме алдыннан аларга район башлыгының күчтәнәчләре тапшырылды. Район башкарма комитеты җитәкчесе урынбасары Гөлүсә Галләмова, социаль яклау идарәсе җитәкчесе Зөлфия Гайнуллина, авыл җирлеге башлыклары хәлләрен белеп, тормыш-көнкүрешләрен сорашты.
  Дүртиле авылыннан Сария апа Сафина да күчтәнәчләр өчен рәхмәтләрен әйтеп калды, тагын бер кат үткәннәрне искә алды.

  “Бер телем ипигә тилмереп үстек”, - дип искә ала сугыш елларын Дүртиле авылында яшәүче Сария апа Сафина. Ул да сугыш башланганда сабый бала гына була. Ленинград чолганышында калган елларны күз яшьләре аша сөйли.

  Тутайдан Галия апа Гыйззәтуллина да хөрмәтләнде.