Апаста тагын бер ханым 227 мең акчасын мошенниклар кулына күчергән

(11 февраль, “Апастово-информ“).

Билгесез затлар 16.00-17.00 сәгатьләр аралыгында, кәрәзле телефоннан ханымның ышанычын яулап, кредит алдыралар һәм аны үзләренә күчертәләр. Ул соңрак кына алдануын аңлый. Бу хакта район эчке эшләр бүлегеннән хәбәр иттеләр.

“Мондый төр җинаятьләрнең бик азы гына ачыла. Телефоныгызга таныш түгел номер шалтыратса алмагыз, шикле кешеләр белән сөйләшмәгез. Йортыгызга да таныш түгел кешеләрне кертмәгез. Соңыннан үкенерлек булмасын, – ди район эчке эшләр бүлеге җитәкчесе Рамил Хәбибуллин.