Апаста “Тоннель” вакытында 16 кагыйдә бозучы ачыкланган

(23 август, “Апастово-информ”).

“Әлеге чарада төп игътибар балаларны дөрес утыртып йөрүгә юнәлтелде. Балаларны махсус коляскалар-утыргычлардан башка транспорт чарасында йөрткән өчен машина йөртүчеләргә 3 мең сум штраф салына. Пассажирларның куркынычсызлык каешларына игътибар бирмәүләре, балаларны махсус утыргычка утыртмау - боларның барысы өчен дә түләргә туры килә. Һәлакәтләрдә балаларның зыян күрүе аеруча йөрәкне әрнетә”, - ди ЮХИДИ бүлеге җитәкчесе Румбик Гәрәев.
“Тоннель” вакытында 16 кагыйдә бозучы ачыкланган. Аларның барысына да беркетмәләр төзелгән. Юл кагыйдәсен санга сукмаучылар арасында тизлек режимын сакламаучылар, куркынычсызлык каешын эләктермәүчеләр һәм иминият полисы булмаучылар да бар.