Апаста укучылар «Мәдәни көндәлекләр» алды

(16 сентябрь, "Апастово-информ").

Укучының мәдәни көндәлеге" - ТР Мәдәният министрлыгы, ТР Мәгариф һәм фән министрлыгы тарафыннан Татарстан Республикасы Президенты Рөстәм Миңнеханов патронажы астында тормышка ашырыла торган ел саен үткәрелүче республикакүләм мөһим мәдәни проект. Биредә районыбыз укучылары теләп катнаша, җиңүләр яулый, бүләкләр ала.

"Укучының мәдәни көндәлеге” балаларны һәм аларның әти – әниләрен мәдәният учакларына барырга кызыксындыру, укучыларны һәм олыларны рухи яктан баету максатын күздә тота. Алай гына да түгел, көндәлек укучыда аралашу күнекмәләрен булдыра, туган якка мәхәббәт һәм ватанпәрвәрлек хисе тәрбияли, - диде китапханә хезмәткәре Гөлинә Мулләхмәтова.

Быел көндәлекләр халыкларның мәдәни мирасын саклауга багышланган.