Апаста халык җыеннары дәвам итә

(24 гыйнвар, “Апастово-информ”).

Җыелышны район башлыгы урынбасары Ленар Хантимиров алып барды. Төрле өлкә җитәкче-белгечләре чыгышлар ясады.

Җирлектә төп кәсеп – хайван асрау, кош-корт үстерү һәм умарта үрчетү. 45 кеше авыл хуҗалыгы берләшмәсендә эшли. Ике авылда савымчылык һәм ит җитештерү белән шөгыльләнәләр.

“2023 елда үзара салым акчасына юллар салынды, Тәүгелдедә обелискны күчереп, яңаны салдык. Акчаны күп кенә төзекләндерү эшләренә сарыф иттек. Тәүгелдедә урам утлары яңарды. Барлыгы 805 мең үзара салым акчасы кулланылды, - ди Олы Бакырчы җирлеге башлыгы Фәрит Вәлиев.