Апаста яшь гаиләләр төзелә

(29 гыйнвар, “Апастово-информ“).

Биеш егете Руслан Шәрипов һәм Актаныш кызы Диләрә Бадрәшитова парлы гаилә юлына аяк басты. Яшьләр пар балдаклар алмашып, гаиләләренең беренче документын алдылар. Бу хакта ЗАГС бүлеге җитәкчесе Розалия Насыйбуллина хәбәр итте.

Шәриповлар гаиләсен чын күңелдән тәбрик итеп, саф мәхәббәт, тугры сөю, бәхет-шатлыклар телибез.

Яшәгез матур пар булып,
Икегез бер җан булып.
Күршеләргә үрнәк гаилә,
Дуслар өчен дан булып.