Җәмгыять
Апаста яшүсмерләр тантаналы шартларда паспортлар алдылар
Район туган якны өйрәнү музеенда узган әлеге чара Татарстан Конституциясе көне уңаеннан оештырылды.
“Бердәм Россия“ партиясе региональ башкарма комитетының җитәкче урынбасары Светлана Гыйниятуллина, район башкарма комитеты җитәкчесе урынбасары Луиза Сафина, район эчке эшләр бүлегенең миграция хезмәте җитәкчесе Гөлназ Хәбибуллина яшьләргә паспортлар тапшырды.
Егет-кызлар тантанага әти-әниләре, якыннары белән килгән иде. Алар паспортның тарихы, беренче үрнәкләре, куллану кагыйдәләре белән таныштылар. Район мәдәният йорты хезмәткәрләре иң матур, патриотик җырларын яңгыратты.
Следите за самым важным и интересным в Telegram-каналеТатмедиа
Нет комментариев