Апаста Үзәк чыршы ябылды

(1 февраль, “Апастово-информ). 

Район мәдәният хезмәткәрләре тарафыннан әзерләнгән театральләшкән тамаша, җырлар халык күңеленә хуш килде. 
 
Бәйрәм чарасында район башкарма комитеты җитәкчесе Алмаз Тугушев катнашты һәм Яңа ел бәйрәмнәрен матур, күңелле итеп оештырган, Чыршы янәшәсендә халыкны күңелле ял иттергән һәркемгә район башлыгы исеменнән рәхмәт сүзләрен җиткерде. 
 
–Чыршыны ябу  тантанасы салкыннар булу сәбәпле кичектерелгән иде. Соң булса да, без җыелдык. Яңа елыбыз матур килсен, барыбызга да сәламәтлек булсын, – диде Алмаз Тугушев. 
 
Бәйрәм итүчеләрне аграр көллият коллективы кайнар коймак һәм чәй белән сыйлады. Теләгән кеше шашлыктан авыз итә һәм татлы мамыктан да авыз итә ала иде.