Апастан Камалетдиновлар гаиләсе шатлыклы мизгелләр кичерә

(12 июль, “Апастово-информ“).

Рөстәм узган ел югары уку йортын тәмамлап, хәрби бурычын үтәргә армия сафларына китте. Йошкар-Олада ракета гаскәрләрендә хезмәт итте ул. Туган йортыннан читтә дә сынатмады егет. Аның турында һәрчак яхшы хәбәрләр килеп торды.
Гаиләсе, туганнары, якыннары, дуслары солдат егетне сагынып каршы алды.
“Оныгым белән горурланам. Ул үсеп килә торган энекәшләренә дә үрнәк“, - ди дәү әнисе Нурия апа Галләмиева.