Апастан Насыйбуллиннар гаиләсе “Нечкәбил” Республика фестивалендә җиңү яулады

(18 сентябрь, “Апастово-информ”).

Биредә зона этапларында җиңү яулаган гаиләләр катнашты. Алар арасында Апастан Раил һәм Розалия Насыйбуллиннар да бар иде.
Насыйбуллиннарның зур, бердәм гаиләсе район данын яклады. Биредә аларның балалары Адилә һәм Булат, әти-әниләре, якыннары һәм дуслары да катнашты. Барысы да җиңү өчен өлеш кертте.
Насыйбуллиннар гаиләсе “Гаилә һәм җәмгыять” номинациясендә җиңү яулады. Тырыш, максатчан, дус һәм бердәм гаиләне район башлыгы Айрат Җиһаншин исеменнән район башкарма комитеты җитәкчесе урынбасары Гөлүсә Галләмова тәбрик итте һәм киләчәктә дә уңышлар теләде.