Автоинспекторлар Шәмәктә яшәүче күп балалы гаиләгә автобишек тапшырдылар

(4 сентябрь, “Апастово-информ”).

Районның ЮХИДИ бүлеге җитәкчесе Румбик Гәрәев һәм Казан шәһәренең юл хәрәкәте куркынычсызлыгы территориаль профилактика идарәсенең Буа шәһәрендәге бүлегенең әйдәүче белгече Сиринә Мурзакова әти белән әнигә автобишекне тапшырып, гаиләгә иминлек, куркынычсыз юллар теләделәр. Шулай ук районда узучы “Игътибар, балалар” профилактик чарасы, балалар автокреслоларының төрләре турында сөйләделәр, баланың үсүен һәм авырлыгын исәпкә алып, аларны сайлау кагыйдәләрен аңлаттылар, транспорт чарасы салонында автокреслоны ничек дөрес урнаштыру турында мәгълүмат һәм киңәшләрен җиткерделәр.