Автолавка килгән авылга

-100 кешедән артык кеше яши торган 7 кечкенә авыллар халкын азык-төлек товарлары билгеләнгән ассортименты, шул исәптән лицензияле алкогольле продукция белән тәэмин итүдә күчмә сәүдә ысулы үзен аклый,-ди район башкарма комитеты җитәкчесе урыбасары Шамил Гаффаров. -Апас икмәк комбинаты белән турыдан-туры эшләүче "Кайнар Икмәк" ширкәте автолавкасы бәйрәм көннәрендә бу авылларга 11 тапкыр килде һәм халык ихтыяҗын үтәде. Авылларда күчмә сәүдә белән кәсеп итүчеләрдән лицензиясез алкогольле продукция сатып алырга уйласагыз- сез үзегез дә закон бозучы булып танылачаксыз. Андый очракларда авыл җирлекләренә, хокук сакчыларына хәбәр итүегез дөресрәк булачак. Хәбәр расланган очракта, уяуларны акчалата бүләкләү тәртибе каралган.