Бәрәңге пешерүнең дә сере бар икән...

Төп хата – бәрәңгене салкын суга салу һәм утка кую. Сез, мөгаен, шулай эшлисездер? Белгечләр фикеренчә, бу очракта бәрәңгенең файдасы булмаячак. Шуңа күрә беренче киңәш - витаминнар юкка чыкмасын өчен кайнап торган суга салып пешерегез.

Бәрәңгене ул пешкәч кенә тозларга кирәк. Белгечләр шулай ук, продуктның бөтен файдасын саклап калу өчен, бәрәңгене бик озак пешермәскә киңәш итәләр.

Экспертлар фикеренчә, кабыклы бәрәңге файдалырак, шул ук вакытта суны бик аз кулланырга кирәк. Духовкада пешкәне аеруча файдалы.

Шул ук вакытта табиблар бәрәңгене кайнар килеш ашамаска киңәш итә – аны бүлмә температурасына кадәр суытырга кирәк. Шулай иткәндә, бәрәңгедә күп булган крахмалның бер өлеше ретроград крахмалына әйләнә. Нәтиҗәдә, кандагы глюкоза дәрәҗәсе алай ук артып китмәячәк. Бәрәңгене салкын килеш, мәсәлән винегретта ашау күпкә яхшырак.

Чыганак: https://kiziltan.ru/articles/poleznoe/2022-11-01/b-r-ge-pesher-ne-d-sere-bar-ik-n-3011151?utm_source=vk&utm_medium=social&utm_campaign=32350601