Бөек Җиңүгә апаслылар өлеше

(5нче май, “Апастово-информ”).

Китапта Бөек Ватан сугышында катнашкан якташларыбызның батырлыклары, фронттагыларга зур ярдәм күрсәткән тыл хезмәтчәннәренең фидакарьлеге ачык чагыла. Китап рус һәм татар телендә язылган.
“Елъязмада музейда тупланган материаллар, “Йолдыз” гәҗитенең 87 еллык төпләмәсе язмалары, укучылар, укытучылар, китапханәчеләр эшләгән альбомнар, иншалар файдаланылган. Күренекле журналист Азат Сункишев язмалары да аның үз рөхсәте белән китапка кертелде”, - ди музей җитәкчесе.
Чыгымнарны тулысы белән “Казанские стальные профили” заводы җитәкчесе, Борнаш авылы шәхесе Илдар Ногманов күтәргән.