Бер көндә ике исерек

Районның юл хәрәкәте иминлеге дәүләт инспекциясе хезмәткәрләре участок инспекторлары белән берлектә атнага ике тапкыр рейдка чыгалар. Чираттагы рейдларның берсендә, бер үк кичтә ике исерек шофер тоткарланган. Закон-кагыйдәләр катлаулануга, штраф суммалары сизелерлек артуга да карамастан, "юл геройлары" табылып тора. Кече Бакырчы авылында җилдерүче "Унбишле" машинасы шоферына да, Иске Әнәледә салган баштан юл һәлакәте ясаучы "Уникеле" машинасы хуҗасына да җавап бирергә һәм күпмедер вакыт җәяүләп атларга туры киләчәк.