Бездә яңа бәйге! “Мин сезгә рәхмәтле”!

18 июнь - медицина хезмәткәрләре көне. Саулыгым - байлыгым диләр. Аз гына авырып китсәк тә, без медицина хезмәткәрләренә мөрәҗәгать итәбез. Төшенкелеккә бирелгән мизгелләрдә дә, ярдәм өмет итеп алар күзенә карыйбыз. Өметләр өзелгәндә яшәү көче бирүче, ышаныч бүләк итүче, яңадан тормышка кайтаручы да алар. Ихтирамыбыз, рәхмәтебез, хөрмәтебез дә чиксез медицина хезмәткәрләренә. Сезнең дә әйтер сүзләрегез, җиткерәсе теләкләрегез бардыр. Яраткан, изгелеге күңел түрендә йөргән медицина хезмәткәренең фотосын безгә юллагыз! Исем-фамилиясен, теләкләрегезне дә язарга онытмагыз! 18 июнь көнне җиңүчене бергәләп ачыкларбыз һәм аңа ак чәчәкләр бүләк итәрбез!