Бездә яңа бәйге: “Гаилә – сыеныр оям”
15 май – Халыкара гаилә көне уңаеннан, “Йолдыз” (“Звезда”) газетасы редакциясе районның ЗАГС бүлеге белән берлектә “Гаилә – сыеныр оям” бәйгесен игълан итә.
Фотолар 89083300178, 89655896868 ватсап номерлары аша юлларга мөмкин.
Бәйге райондагы тигез, матур гомер итүче гаиләләрне үрнәк итеп күрсәтү, яшь буынны алар үрнәгендә тәрбияләү, гаиләләрне ныгыту максатыннан оештырыла.
Бәйгенең шарты буенча парлы гаиләләр (ир һәм хатын) үзләренең икәү яки балалары белән төшкән фотоларын, исем, фамилияләрен, яшәгән авылларын язып, редакциягә юлларга тиеш. Катнашучыларның яше чикләнмәгән.
Һәр катнашучыга, фотоларны юллау тәртибе буенча саннар куела барачак. Барлык катнашучыларның да фотосурәтләре “Апас хәбәрләре” сайтында һәм социаль челтәрләрдә урын алачак. Җиңүче лотерея уйнату тәртибендә билгеләнәчәк. Җиңүчеләргә бүләкләрне ЗАГС бүлеге әзерли.
Лотерея 15 майда ЗАГС бүлегендә уйнатыла. 3 кеше җиңүче булып танылачак. Фотолар 1 майдан 14 майга кадәр кабул ителә.
Фотолар 89083300178, 89655896868 ватсап номерлары аша юлларга мөмкин.
Следите за самым важным и интересным в Telegram-каналеТатмедиа
Нет комментариев