Бүген - Бәраәт кичәсе узды

( 27 март, “Апастово-информ”).

Апаста 1нче мәхәллә “Рамазан” мәчетендә Бәраәт кичәсенә багышланган мәҗлес узган. Ул шулай ук туган телләр елына багышланган. Биредә Мирхәт хәзрәт, Рәшит хәзрәт, яшь имам Раиль хәзрәт, мөслимәләр берлеге абыстайлары вәгазьләр сөйләгәннәр, сөекле татар шагыйре Габдулла Туканың милләтне, тарихны чагылдырган шигырьләрен укыганнар, Коръән сурәләрен тыңлаганнар. Әнәс абый Гыйбадуллин үзе язган шигырен укып күрсәткән. Бу хакта мөслимәләр берлегеннән Венера Сәгъдиева хәбәр итте.