Болынбалыкчы авылында яз җитүне бәйрәм иттеләр

(21 март, “Апастово-информ”).

Нәүрүз - язны каршылап, язгы чәчү эшләре алдыннан үткәрелә торган халык бәйрәме ул. Болынбалыкчылылар да моны истә тотып, Нәүрүз бәйрәмен билгеләп үттеләр.

“Язны матурлап каршыладык. “Карга боткасы” аерым бәйрәм булса да, дуслык боткасын да пешердек, пешкән күкәйләр дә тәгәрәттек, яз турында мәкаль, табышмаклар да әйтештек, җырлаштык та, биештек тә ”, - дип хәбәр итә авыл мәдәният йорты мөдире Ләйсән Җәләлиева.