Борнашта әфганчы, авылның олы йөрәкле егете Дамир Миңнебаевны искә алдылар

(15 февраль, “Апастово-информ”). 
Бергә хезмәт иткән дуслары музейга җыелып әфганчы егет Дамир Миңнебаевны искә алдылар. Алар олы йөрәкле, киң күңелле егет, вакытсыз арадан киткән Дамир абыйга багышланып ясалган стенд материаллары белән таныштылар, сугыш хатирәләрен яңарттылар. Очрашуда Дамир абыйның улы Раил, бертуганнары Альмир һәм Айдар да катнашты. 
 
“Сугышчан дусларын онытмыйча, ел саен килеп искә төшерүләренә сокланмый мөмкин түгел! Рәхмәт аларга!” - ди музей җитәкчесе Искәндәр Минһаҗев.