Буа дәүләт театры җитәкчесе район балалары белән очрашты

(11 октябрь. “Апастово-информ”).

Очрашуга театр түгәрәгендә шөгыльләнүче Апас мәктәбенең 4нче һәм 7нче сыйныф укучылары килде. Раил Садриев Буа дәүләт театрының эшчәнлеге хакында сөйләде, балаларга үтемле киңәшләрен, театр сәнгате хакында кызыклы мәгълүмат җиткерде. Шулай ук киләчәктә балалар өчен Апаста да театр студиясе оештыру уе белән дә уртаклашты. Бу хакта район башлыгы Айрат Җиһаншинның тәкъдим белән мөрәҗәгать итүе хакында да белдерде.
“Бүген сез балалар булсагыз, киләчәктә сез зур кешеләр булырсыз. Уй-хыялларга омтылып, ышанып яшәргә, тырышырга кирәк”, - диде ул.