Бүген Апаснын Үзәк чыршысы янында зур тамаша була

Хөрмәтле апаслылар! Бүген Апасның Үзәк чыршы янәшәсендә зур бәйрәм-тамаша була. Шулай ук 15. 30 сәгатьтә Үзәк чыршыны бәяләргә махсус комиссия киләчәк. Биредә кыш бабай кар кызлары катнашында тамаша күрсәтелә. Барлык апаслыларны Яңа елның бизәге булып, Апас түрендә балкып утырган чыршыбызны тагын да бизәп, шат авазлар белән җанландырып, рәхәтләнеп ял итәргә көтеп калалар! Соңыннан барлык тамаша кылучыларга 16.00 сәгатьтә Каратун һәм Болынбалыкчы авыллары үзешчәннәре концерт программасы тәкьдим итәчәкләр. Килегез, дуслар! Ялларыбызны бергәләп, чыршы әйләнәсендә күңелле итеп уздырыйк!