“Черри-велли“ үрдәкләре Болгаерга “очты“

Отыш ияләрен дә газета укучылар катнашында, гадел итеп билгеләргә тырыштык. Бу вакытта иганәче тарафыннан бирелгән үрдәкләр редакция ишегалдында яңа хуҗаларын көтә иде. Билгеле булганча, үрдәк ияләренең икесе дә Олы Болгаер җирлегеннән. 5 үрдәк – Олы Болгаердан Мәүлеҗиһан Дәүләтҗановага насыйп булды. Икенче отыш иясе – Кече Болгаердан 81 яшьлек Зөлфирә әби Вәлиәхмәтова. Үрдәкләрне үзебез алып барып, хуҗаларына тапшырдык, ояларына кертеп яптык, отыш ияләренең сөенечен уртаклаштык.