Чикләүләрне бетерүгә карамастан, Татарстан Республикасында көзге сайлаулар Covid-19тан саклану чараларын кулланып узачак

(21 август, “Апастово-информ“).

Татарстан учреждениеләрендә «карантинлы» чараларны бетерүнең өченче этабына күчү, көз көне сайлау участокларында файдаланылачак куркынычсызлык чараларына йогынты ясамаячак. Бу хакта ТР Үзәк сайлау комиссиясе рәисе Андрей Кондратьев хәбәр итте.

«Без Татарстанның чикләүләрне бетерүнең өченче этабына күчүен аңлыйбыз. Гражданнар антисептиклар булган урыннарда перчаткалар киеп йөрмәскә мөмкин, әмма без, сайлауларны оештыручылар буларак, вакыйгалар үсешенең барлык сценарийларына да әзер булырга тиеш. Тавыш бирүне оештыруның төп приоритеты - тавыш бирүдә катнашучыларның сәламәтлегенә куркыныч янамау» - диде Кондратьев.


Аның сүзләренә караганда, сайлаулар вакытында Кулланучылар хокукларын яклау һәм кеше иминлеге өлкәсендә күзәтчелек федераль хезмәте һәм РФ Үзәк сайлау комиссиясе белән берлектә эшләнгән барлык куркынычсызлык чаралары да үтәләчәк. Барлык килүчеләргә бер тапкыр кулланыла торган битлекләр һәм перчаткалар, шулай ук бер тапкыр кулланыла торган авторучкалар таратылачак.

Тавыш бирү көннәрендә -11-13 сентябрьдә - барлык сайлау участоклары сәгать 8.00дән 20.00гә кадәр эшләячәк. Димәк, һәр сайлаучы үзе өчен уңайлы вакытта тавыш бирә алачак. Шул ук вакытта һәр сайлау участогында, кешеләр күпләп җыелмасын һәм санитар дистанцияне тәэмин итү өчен, тавыш бирүчеләр агымы чикләнәчәк. Керү һәм чыгу юлында дезинфекцияләүче келәмнәр һәм куллар өчен антисептик чаралар урнаштырылачак. Һәр керүченең тән температурасын үлчәячәкләр.

Тавыш бирү өчен бүлмәләрдә тавыш бирүчеләр арасында санитар дистанция саклау максатында 1,5-2 метр арада тамга куелачак. Җиһазлар һәм технологик җиһазлар шул ук куркынычсыз араны саклау өчен куелачак. Тавыш бирү өчен кабинкаларда пәрдә булмаячак. Тавыш бирү сере санитар дистанция һәм тавыш бирүчеләрнең агымнарын чикләү белән тәэмин ителәчәк. Һәр тавыш бирү көне нәтиҗәләре буенча һәм сайлау участоклары ябылганнан соң тавыш бирү урыннарын, шул исәптән үтеп узу урыннарын, шулай ук комиссия әгъзаларын йөртү өчен билгеләнгән автотранспорт чараларын җентекләп дезинфекцияләү үткәреләчәк.

Реклама