Чирмешәнгә ике солдат кайтты

Хәрби бурычларын үтәп Чирмешәнгә 2 солдат егет кайтты. Шарафутдинов Шамил һәм Сафиуллин Илназ намус белән хезмәт итеп, исән-имин туган якларына кайтып, әниләрен, туганнарын, авылдашларын сөендерде. Мәчет каршында эшләүче мәдрәсәнең элекке шәкертләре үзләренең дәвамчылары булган нәни шәкертләр Абзалов Рәмис һәм Касыймов Илшатлар кулыннан мәчәтебез тарафыннан әзерләнгән бүләкләр кабул итте. Мәдәният йортында үткән "Изгелегең белән кил, Яңа ел!" дип аталган кичәнең матур бер бизәге булды әлеге мизгелләр. Егетләргә алдагы көннәрендә дә зур уңышларга ирешеп, сәламәтлектә, муллыкта хәерле гомер кичерүләрен телим.

Нурия Габдрахманова.