Чирмешән ике батыр улын – Булатларын каршы алды

(10 июль, “Апастово-информ”).

Узган җәй Чирмешән авылы үзенең ике батыр, кыю егетен армия сафларына озаткан иде. Аллага шөкер, 1 ел вакыт узып китеп, егетләрне каршы алыр көн дә килде.

“Ике классташ, ике дус хәрби бурычларын үтәп кайтты. Булат Әхмәдуллин Абхазия якларында, Булат Гыйбадуллин Мәскәү өлкәсендә хезмәт итте. Горурланып, сөенеп каршы алдык”, - ди авыл җирлегеннән Гөлшат апа Нуртдинова.

Егетләрне якыннары, дуслары, авылдашлары каршы алды. Сөенечле мизгелләр алдагы тормышларында да күп булсын иде.