Чирмешәнлеләр тутайлыларны ял иттерде
Чирмешән мәдәният йорты каршында эшләп килүче “Ләйсән” театр коллективы Мөнирә Сафинаның “Ике болыт” спектаклен Тутай авылы тамашачысына тәкъдим итте.
(19 апрель, “Апастово-информ”).
“Спектакль бик уңышлы үтте. Тамашачы җылы каршы алды. Бер сулыштан, тын да алмый карадылар, алкышларга күмделәр. Безне якты йөз белән каршы алган хезмәттәшләрем Наилә һәм Рамил Бикмучевларга, техник хезмәткәр Гөлинә ханымга, игътибары, чәчәкләре өчен Тутай авыл җирлеге башлыгы Наилә Насретдиновага, барлык тамашачыларга коллектив исеменнән рәхмәтләремне белдерәм. Үземнең театр коллективына, аларның гаиләләренә, алыштыргысыз декораторыбыз, техник хезмәткәр Гөлүсә Бәшировага чиксез рәхмәтләрем һәм хөрмәтем,”, - ди Чирмешән мәдәният йорты мөдире Нурия Габдрахманова.
Следите за самым важным и интересным в Telegram-каналеТатмедиа
Нет комментариев