Дөньяда иң каты әйбер

"Кешенең калебе катыланса, аннан мәрхәмәт китә һәм кеше каты бәгырьлегә әйләнә. Шуңа да кеше үзенең калебенә игътибарлы булырга тиеш.

Пәйгамбәребез Мөхәммәд салләллаһү гәләйһи вә сәлләм болай дигән: “Дөреслектә, кеше тәнендә бер ит кисәге бар, әгәр ул тәкъва булса, кешенең бөтен тәне тәкъва булыр. Әгәр ул бозылса, бөтен тән бозылыр. Һәм бу - йодрыктан да кечкенә булган йөрәк”.

Калебнең катылануына китергән өч сәбәп бар: хәрам куллану, Аллаһ биргәнгә канәгатьсезлек күрсәтү һәм күп көлү.

Аллаһыны искә алу, хәрамнардан тыелу, ятимнәрнең башын сыйпау, кешеләрне ашату, галимнәр белән аралашу, җеназа намазларында катнашу, зиратларда булу – калебләрне төзекләндерә торган чаралар. Без бу хакта һәрвакыт истә тотарга, һәрдаим калебләребезгә карата игътибарлы булырга тиешбез”, - дип яза Татарстан мөфтие Камил хәзрәт Сәмигуллин.

Чыганак: https://kiziltan.ru/articles/iman/2023-01-20/d-nyada-i-katy-yber-3113123?utm_source=vk&utm_medium=social&utm_campaign=32350601

Реклама

Фото: https://ru.pinterest.com/pin/133559945192295388/