Дәвеш авылы җирле эшмәкәрләр Азат һәм Наилә Әхмәдиевларның ярдәмен тоеп яши

(27 гыйнвар, “Апастово-информ”).

Җирлектә республика программасы нигезендә 322 метр таш өслекле юл салынган, балалар мәйданчыгы төзелгән, чүп контейнерлары урнаштырылган. Авыл яшеллек үстерү белән шөгыльләнүче эшмәкәрләр Азат һәм Наилә Әхмәдиевларның зур ярдәмен тоеп яши.
- Алар үз теләкләре белән һәрчак ярдәм итәргә ашкынып торалар. Узган ел чишмәгә төшүче сукмакка бетон юл салуда булыштылар, тирә-юненә агачлар утырттылар. Шулай ук Сабантуй бәйрәмен уздыру өчен махсус урын булдыруда, милли бәйрәмебезне уздыруда ярдәм иттеләр. Аларга барлык авылдашлар исеменнән чиксез рәхмәтебезне белдерәм, уңышлар телим, - диде Дәвеш авыл җирлеге башлыгы Таһир Хөсәенов.
#яшәавылымминем

Реклама