Дәвеш мәктәбендә әниләр җырлады, биеде, шигырь сөйләде

Икенче дәрес барышында өлкән сыйныф укучылары үзләрен укытучы булып дәрес укытып карадылар. Укытучылар исә шатланып күзәтеп тордылар. Дәресләр бетүгә, хәзерге вакытта лаеклы ялдагы укытучы ветераннар бәйрәмгә җыелды. Укучылар матур шигырьләрен, җырларын, чәчәк бәйләмнәре бүләк иттеләр. Шулай ук әниләр дә моңлы җырлары, эчтәлекле шигырьләре, биюләре белән шатландырдылар.
– Без әти-әниләр бәйрәмнәргә килеп үзебез чыгыш ясыйбыз. Артист булмасак та тырышабыз, - ди Резедә Низамова.
Мәктәп директоры Лилия Сабирова барлык укытучыларны, өлкән буын кунакларны бәйрәм белән тәбрикләде. Мәктәп яңалыклары, уңышлары белән таныштырды. Соңыннан бәйрәм чарасы тәм-томнар белән әзерләнгән табын артында дәвам итте.