ЕГАИС системасына тоташу вакыты

Ел башыннан алкогольле эчемлекләр белән сату итүче сәүдә нокталарында, җәмәгать туклануы урыннары-кафе-рестораннарда Интернет аша шешәнең кайда чыгарылуын, акцизы һәм сатылу вакытын төгәл теркәп баручы махсус касса аппараты куелу бурычы куелды. Бүгенгә районда 41 сәүдә ноктасы әнә шулай илкүләм ЕГАИС системасына тоташып, заман таләпләренчә җиһазланды. Бу алым кибет киштәләренә ялган аракы куелмауга да ныклы киртә булып санала. ЕГАИС системасына тоташу вакытын сакламаучы, таләпләрне тиешенчә үтәмәүчеләрне дәүләт бик каты җәзага тартачак.