Әҗемнән Гариповлар гаиләсе солдат улларын каршы алды

(6 июль, “Апастово-информ“).

“Иң элек һөнәр үзләштердем. Гражданнарны яклау көллиятен тәмамладым. Аннан армия сафларына барып, хәрби бурычымны үтәргә булдым. Әтием, дәү әтием дә шундый киңәш бирде“, – ди ул.
Рамил Гарипов Чиләбе өлкәсендә хезмәт итә. Артиллерия гаскәрләренә эләгә. Бер ел дәвамында ул үзен чын ир егет итеп күрсәтә. Әтисе Альмир, әнисе Гөлфия, барлык якыннары, дуслары аны горурланып, шатланып каршы алды.

“Аралашып, сөйләшеп тордык. Бер ел вакыт узганы сизелмәде дә“, – ди солдат егет.