Эшләмәүчеләрнең акчалары арта

Районның пенсия фонды бүлегеннән хәбәр итүләренчә, 1 февральдән эшләмәүче пенсионерларның иминият пенсияләре 5,4 процентка артачак. Безнең районда бу яңалык 6 меңләп эшләмәүче пенсионерга кагылачак.
2017 елның 1 гыйнварыннан эшчәнлеген туктаткан кешеләргә пенсия индексация исәбе белән 1 майдан, 1 февральдән эштән азат ителүчеләргә 1 июньнән түләнәчәк.
1 апрельдән социаль пенсияләр артачак. Августта исә гадәттәгечә, эшләүче пенсионерларның акчаларын кире исәпләячәкләр, индексация нәтиҗәсендә кайберүләрнең пенсияләре сизелерлек артырга мөмкин.