Эшмәкәрләргә медальләр тапшырылды

Апастово-информ, 23 декабрь 2020 - 15:02

866

Апас районында шәхси эшмәкәрлекне үстерү һәм камилләштерүгә керткән өлешләре өчен урта һәм кече бизнес вәкилләре Апас районы оешуның 90 еллыгы уңаеннан истәлек медальләре белән бүләкләнделәр.

(23 декабрь, “Апастово-информ“).

Шәхси эшмәкәрләр Фәрит Фәйзуллин, Лилия Зәйнуллина, Азат Әхмәдиев, Венера Ромачкова, Фазыл Вилданов, Хәйдәр Галәветдинов, Лилия Абдуллинага әлеге медальләрне район башлыгы Равил Хисаметдинов тапшырды.

“Катлаулы чорда да баш имичә, югалып калмыйча эшләвегез өчен рәхмәт сезгә“, – диде район башлыгы.