Газеталарның тиражлары артты. Нәрсә ярдәм итте?

(11 гыйнвар, “Апастово-информ”).

Сәүдә ноктларында “Татмедиа” продукциясенә хөрмәт күрсәтү газеталар тиражы артуга ярдәм итте. “Татмедиа” ачык акционерлык җәмгыятенең генераль директоры Шамил Садыйков шундый фикер белдерде.
“Тиражны 20 процентка арттыру зур уңыш. Ә журналлар тиражларын хәтта ике тапкыр арттырдылар. “Татмедиа” продукциясе сәүдәдә булу безнең өчен бик мөһим күрсәткеч. Чөнки, укучы үзенең акчасы белән тавыш бирә”, - диде Садыйков.
Бүгенге көндә яңалыкка өстенлек бирү, социаль челтәрләрдә актив булу, яңа кызыклы темалар тәкъдим итү - матбугатка хөрмәтне арттыра.
Бүгенге көндә “Татмедиа” социаль челтәрләрдә, мессенджерларда, инстаграм, телеграм һәм башка видеохостингларда бик актив.