Гөлсинә Галиуллина: «Авылым матур булсын өчен тырышам»

(30 нчы декабрь, "Апастово-информ").
Гөлсинә апа һәр ел саен йорт каршын матур утлар белән бизәп куя.
Яшел чыршы тирәли төрле ел символлары, Кыш бабай белән Кар кызы, чанага җигелгән болан, ә чанада яңа килә тоган ел символы аждаһа урын алган. 
"Йорт каршын ел да шулай бизәп куябыз. Яшьләр, балалар фотога төшәргә киләләр. Яңа елга авылга кунакка кайтучыларга да матур һәм күңелле булсын дим. Авылым матур булсын өчен тырышам", - ди Гөлсинә ханым.