Апастово-информ

Апас районы

18+
Рус Тат
2024 - год Семьи
Җәмгыять

Иң тәмле кекс рецепты

Әлеге кексны пешергәндә, ингредиентлар бүлмә температурасында булырга тиеш.

Кирәкле ингредиентлар:

3 йомырка

150 грамм шикәр

100 грамм ак май

210 грамм он

70 грамм сөт

сода яисә разрыхлитель

Реклама

Һәр ингредиентны салганнан соң массаны яхшылап болгатырга кирәк.

Башта җебетелгән май алабыз, ул бүлмә температурасында булырга тиеш. Дулкынлы мичтә эретергә ярамый. Майга шикәрнең яртысын салабыз. Миксер белән болгатабыз. Аннан калган шикәрне өстибез, тагын яхшылап болгатабыз.

Аннан бер йомырка өстибез. Шулай ук миксер белән болгатабыз. Һәр йомырканы аерым өстибез һәм болгатабыз.

Әлеге массага онның яртысын салабыз. Болгатабыз. Аннан калган ингредиентларны салып бетерәбез – онның яртысын, сөт, разрыхлитель. Ике минут чамасы болгатабыз.

Кекс формаларын яртылаш кына тутырабыз. Алдан ук 175 градуска җылытылган мичтә 25-30 минут пешерәбез. Иң мөһиме: мич ишеген алдан ачарга ярамый. Кекс шиңәргә мөмкин.

Чыганак: https://intertat.tatar/news/in-tamle-keks-recepty-5853408

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев