Якташларыбыз да гуманитар ярдәм җыюга кушыла

(4 октябрь, “Апастово-информ”). 
Кече Күккүздә туып-үсеп, бүгенге көндә Казанда яшәүче Назирә Хәйруллина әлегә кадәр дә махсус хәрби операциядә катнашучылар өчен күп итеп күчтәнәчләр китергән иде. Бу юлы да изге күңелле якташыбыз читтә калмады. 
“Назирә апа Хәйруллина 5 мең акчалата ярдәм итте. Әлеге акчаны аның классташы, Апаста яшәүче Назирә апа Җиһаншина китереп тапшырды. Шулай ук Апастан Гөлфия апа Хәмидуллина да үз өлешен кертте”, - ди ярдәмне кабул итүче Айгөл Идиятуллина. 
 
Гуманитар ярдәм “Алга” яшүсмерләр клубында эш көннәрендә, 8.00-17.00 сәгатьләрдә кабул ителә. Шулай ук ярдәмне акчалата да 2200 5301 9339 6843 (“Ак Барс” Банк картасы номеры аша Гисматуллин Альберт Ильдарович) счетына күчерергә дә була.