Янгын куркынычсызлыгын тәэмин итү максатыннан, авыл җирлекләрендә очрашулар уза

Апастово-информ, 28 март 2023 - 09:16

291

Районның гадәттән тыш хәлләр, янгын күзәтчелеге бүлеге, социаль яклау идарәсе хезмәткәрләре җирлекләрдә, гаиләләрдә булып, саклык кагыйдәләрен тагын бер кат исләренә төшерәләр, белешмәлекләр тараталар.

(28 март, “Апастово-информ”).

Йортлардагы кимчелекләргә кисәтүләр ясала, киңәшләр бирелә.

“Ялгыз яшәүче өлкәннәр, гаиләләр янында булдык. Язын йорт тирәләрендә учак якмаска, чүп-чарларны яндырмаска киңәшләр бирдек. Йортларда төп кимчелек – мичләрнең дөрес урнашмавы, морҗаларның тиешенчә куелмавы һәм электр чыбыкларының төзексезлеге. Болар – күңелсезлекләргә юл ача“ – ди районның янгын күзәтчелеге бүлеге хезмәткәре Илшат Шәфигуллин.